Davao City- Nanawagan karon ang Act for Children Alliance nga dili apilon ang mga kabataan sa pagpatay sa giyera batok gidiling droga.
Sumala ni Bernie Mondragon, spokesperson sa Act for Children Alliance, usa ka non-government organization nga nagpakabana sa mga katungod sa kabataan, dili kalimtan sa gobyerno nga dunay balaod nga naghatag ug proteksyon sa mga kabataan nga mao ang Republic Act No. 7610 (An Act providing for stronger deterrence and special protection against child abuse, exploitation and discrimination, providing penalties for its violation and for other purposes).
Matud niya, dili angayang patyon ang mga kabataan nga giingong nalambigit man o wala sa mga illegal nga kalihukan.
Gihagit usab ni Mondragon ang gobyerno nga pasakaan ug kaso ang mga batan-on nga nalambigit sa bisan unsang krimen ug dili patyon kuno kay anaa sa listahan. Si Mondragon nagtoo nga sila si Carl Arnaiz ug Kian Delos Santos, ang wala pa napamatud-i nga nalambigit sa krimen.
Sa pikas bahin, padayong ginahagit usab ni Liwayway Caligdong kanhi opisyal sa City Social Services and Development Office ning syudad, ang mga ginikanan sa pagbantay, paggiya, ug pagpasabot kanunay aron dili madala sa mga binuang o pagdisiplina sa ilang mga anak.
Kasamang Bernard Pantallon
