Davao City – Sa linghud nga pangedaron aduna kitay mga kabataan nga nahilambigit na sa mga krimen kun mga nasaag sa saktong dalan.
Tungod sa kahuyang sa pundasyon sulod sa ilang pamilya ug impluwensya sa mga barkada adunay mga batang sayo nahimong mga ginikanan, nisulod og bisyo, kagubot o riot ug nalambigit sa droga o ang mga gitawag nga children in conflict with the law.
Matud kang National Youth Commission Area Officer Julius Gutierrez lagmit nga dali maimpluwensyahan ang mga teens nga nagedad og 15-17 years old.
“Pwede silang ma-subject into exploitation, they’ll be used into something like syndicated crimes. Itong 15-17 o child youth sila ang binabantayan natin lalong-lalo na sa mga incarcerated ngayon sa mga prison cells or mga centers. Sila iyong kailangan nating i-address kasi sila iyong needed ng assistance from the appropriate agencies and private entities,” segun ni Gutierrez.
Ang NYC gihingusgan ug gipalig-on ang ilang mga awareness campaign ug mga nagkadaiyang programa sa bisan asang parte sa nasud aron mamahimong produktibo ang atong mga youth.
“Kami sa NYC kapag nagta-talk kami most likely iyong mga 18-24 we’re honing them to help us create an atmosphere and environment na malaman din ng mga nakakabata nilang sektor na ganito ang magiging epekto sa paggamit ng drugs, epekto pag maaga kang nakapag-anak, epekto kapag na-hooked ka sa depression at epekto kapag nandoon ka sa sitwasyon na naliligaw ka,” sumala ni Gutierrez.
Ang gobyerno naghatag og dugang oportunidad sa mga kabataan aron makab-ot nila ang maayong kaugmaon pinaagi sa libreng edukasyon alang ngadto sa mga pilot students nga nigradwar sa K to 12 Program diin libreng tuition sila sa kolehiyo, bisan katong wala na mahilakip sa programa mamahimong makadawat niini nga serbisyo.
“Kung sa binisaya pa hanggabon nga mag-study nalang, focus sila sa ilang commitment para mahuman sila kay after nindot man gyod diay naa ta sa sulod sa eskwelahan ug magtuon,” matud ni Gutierrez.
Angayang mapundar nato ang mas lig-on nga mga programa alang sa produktibong kinabuhi sa atong mga youth, oportunidad sa pagtungha kun pag-eskwela ingon man available nga mga scholarships or educational assistance haron mahaw-as nato sila sa kamangtas sa kalsada ingon man dautang barkada ug mabutang sa lig-ong sitwasyon diin cierto or segurado ang ilang maayong kaugmaon.
RadyoMaN Aimee Guinita
