Sicayab, Dipolog City, Kagahapong adlawa ang mga kaligoan, swimming pool man o dagat halos mapuno tungod usab sa kadaghan nga mga tawo ang nag selebrar sa ilang pasko uban usab sa ilang tagsa- tagsa ka mga pamilya.
Wala na baliha ang padayon nga pag ulan kagahapon nga epekto sa LPA dinhi sa nasud.
Bisan paman niadto nga mabati gayod ang tumang ka tugnaw sa panahon apan malipayon ang matag indibidwal sa pagtampisaw sa tubig sa kadagatan og sa mga swimming pool.
Nag sugod ang pag ulan kagahapon bandang 9:00AM ug hangtod na sa 3:00PM ang kanunayng pagtinagatak sa mga ulan.
Ang mga kabaybayonan sa may brgy. Sicayab, Dipolog City, halos mapuno sa mga tawo aron i selebrar nila ang ilang pasko uban sa ilang mahal sa kinabuhi. Adunay uban anaa nalang naghimo ug mga tent sa daplin sa dagat aron didto nila ibutang ang ilang mga dala nga pagkakaron.
Ang pasko mao kana ang adlaw aron magkahimamat pagbalik ang magkapamilya nga gikan pa nanarbaho sa lagyong lugar, mo uli lang aron makig uban sa ilang mga pamilya.
Ang pasko usab mao kana ang adlaw sa paghinatagay ug pagpasayloay, gani makita diha sa ilang mga dagway ang grabeng kalipay samtang nagsaulog sa adlawng natawhansa atong manunubos.
