Davao City – Midangop sa Tugbok PNP ang usa ka sales lady nga si Margie Deyro Mercado, 36 anyos tungod buot niya pasakaan og kasong theft ang iyag ex-live-in partner human kini giprenda ang iyang mga kabtangan.
Suspek naila nga si Alan Atan Bolo, 36 anyos nga taga Purok 23, Talipapa Tugbok District ning siyudad.
Sumala sa complainant nga human kini nakigbuwag sa maong lalaki kalit na lang nahanaw sa ilang gipuy-an sa Sto. Niño Mintal ang mga kabtnagan sa iyang panimalay nga sama sa refrigerator nga mokantidad og 16,000 pesos, flat Screen TV nga mokantidad og P21, 000 pesos, oven toaster nga tag 1,500 pesos, duha ka unit sa blender, laptop nga tag 29,000 pesos ug cellphone niini.
Matod pa ang maong mga kabtangan giprenda ug nalukat na sa iyang live in partner apan wala pa kini mabalik kaniya.
Igo na lang sa napatala ang maong babaye ngadto sa kapolisan samtang nag himo na og follow up investigation ang awtoridad kung asa nahimutang ang suspek.
RadyoMaN Paul Canono
