Alayon sa kasaulogan sa ika beinte nga (20th ) Charter Day sa syudad sa Malaybalay, ang lokal nga pangagamhanan sa Malaybalay mihan-ay sa mga nagkalain-lain nga kalihukan alang sa maong selebrasyon.
Isip opening sa maong dakong kasaulogan mahigayon ang *Festival of Fantasies* – usa ka street dancing and ground presentation competition nga masaksihan karong umaabot Marso 3,2018, alas syete sa buntag nga pagasugdan diha sa dalan Fortich atubangan sa Pine Hills hotel ngadto paingon sa Plaza Rizal ug sa Capitol grounds mahigayon ang ground presentation.
Ang Festival of Fantasies namugna gumikan sa inspirasyon sa western festival nga “Mardi-gras” nga usa ka bibo, makalingaw ug usa ka masadya nga kasaulogan. Pagahimoon kini dinhi sa Festival of Fantasies nga adunay “twist” kon diin himoon kini pinaagi sa paglangkub sa mga Disney’s top grossing animated cartoon films.
Pinaagi usab niini, ma-ipakita ang mga talento ug kamamugnaon sa mga residente nga nag representa sa nagkalain-laing mipartisipar nga barangay.
