Kinumpirma ng pamunuan ng Las Piñas General Hospital and Satellite Trauma Center na okupado na rin lahat ang kama nila para sa mga COVID-19 patients.
Sinabi ni Dr. Rodrigo Hao, Medical Director ng nasabing ospital, naabot na nila ang 100% occupancy rate ng kanilang COVID-19 wards na aabot sa 68 kama.
Sa ngayon aniya, may mga nasa waiting list pa para sila ay ma-accommodate.
Dahil anya rito, sinimulan na nilang isara ang kanilang Out-Patient Department (OPD).
Kinumpirma rin ni Hao, mula sa mahigit 500 nilang mga medical frontliners at ibang staff, nasa 38 pa ang patuloy na ginagamot dahil sa COVID-19.
Facebook Comments
