Pagadian City – Nagmando ang Commission on Elections (Comelec), sa syudad sa Pagadian ilabi niadtong mga lokal nga kandidato, tanggalon na ang ilang mga campaign materials nga wala sa insaktong butanganan atol sa pagsugod sa local nga pagpangampanya.
Kini human nga gitakdang magsugod na ang campaign period sa mga kandidato sa local level karong adlawa. Si Atty. Jed Labador, ang City Comelec Officer, nagbutyag sa RMN-DXPR Pagadian nga kinahanglan nga wala nay makita nga mga campaign materials nga nanobra ang sukod ug wala sa designated poster areas karong adlawa.
Nagbahad ang Comelec nga mag-atubang og diskwalipikasyon ang mga kandidatong mosupak sa “Fair Election Act.”
Una nang nasayran nga ang mga election officer sa matag kalungsoran maoy mitakda sa lugar sa common poster areas.
Sa paglibot sa RMN Newsteam sa Probinsya naghitak sa bisan asang dapit ang mga election propaganda sa mga kandidatong nanagan.
