Inilahad na ni Pangulong Rodrigo Duterte ang mga pangalan na kanyang susuportahan sa gaganaping midterm elections sa Mayo.
Una nang binanggit ng Pangulo sina dating Presidential Aide Bong Go, dating PNP Chief Ronald Dela Rosa, dating Presidential Political Affairs Adviser Francis Tolentino.
Ayon kay Duterte – susuportahan niya ang mga re-electionist na sina Senator Sonny Angara at Cynthia Villar.
Sina Taguig Representative Pia Cayatano at Ilocos Norte Governor Imee Marcos ay kasama rin sa susuportahan din ng Pangulo.
Sinabi ng Pangulo na iboboto rin niya ang mang-aawit na si Freddie Aguilar habang kinilala niya ang kanyang dating tagapagsalita na si Harry Roque.
Hindi niya i-a-adopt ang senate slate ng kanyang partidong: PDP-Laban.
Aniya, hindi lahat sa listahan ng PDP-Laban ay kanyang iboboto.
