Iligan City – Nahidangat na didto sa isabela kinsa maoy grabeng na-apektuhan sa bagyong Ulysses ang mga donasyon gikan sa mga pribadong indibidwal dinhi sa dakbayan sa Iligan.
Human mihatag ug kadaut ang maong bagyo sa nasangpit nga lugar dali nga mihimo ug donation drive ang nagkalain-laing pribadong sector aron tabangan ang mga nabiktima sa bagyo.
Alang kanila, dili lalim ang mamahimong biktima sa bagyo tungod nasinati nila ang maong kahimtang niadtung mihapak si Bagyong Sendong dinhi sa dakbayan sa Iligan.
Hinungdan nga naikag sila sa pagtigom ug donasyon aron mapadala sa mga biktima sa bagyo.
Napadala ang maong mga donasyon pinaagi usab sa pagtinabangay sa nagpakabanang sector ug usa na niini mao ang House of Fries Iligan, kauban sila si Bea Barnuevo nga maoy naningkamot sa trucking aron maabot sa Isabela ang mga donasyon.
Anaa usab mitabang sila si Elisse ug Mikee Uy ingon man si Aldrin Sabuero ug Belvet Adiong alang sa dugang ug pagpahimutang sa mga donasyon.
Gilangkuban ang mga donasyon sa Can goods, Noodles, Hygiene Kits, used Clothings ug uban pa.(Ghiner L. Cabanday, RMN DXIC Iligan)
