Davao City – Nagpahimangno ang Police Regional Office XI sa tanang mga barangay kapitan nga magdoble igmat subay sa sunod-sunod nga nahitabong pagpamusil ug pagpamatay sa upat na ka mga kapitan sa Davao Region.
Sa interbyu sa RMN Davao kang PRO XI spokesperson Police Major Eudisan Gultiano, kung aduna man silay nadawat nga mga hulga sa ilahang kinabuhi giawhag nga makigalayon ug mureport sa mga kapulisan aron mapugngan nga aduna pay laing mga mabiktima sa krimen.
Gibutyag ni Gultiano, kasong murder ang gipasang-at sa kapulisan batok sa mga suspek nga nipatay kang Barangay Kapitan Alex Abe sa Barangay Poblacion, Sta. Maria, Davao Occidental.
Nasayran nga ang kapitan aduna nay nadawat nga mga death threats ug aktibo kini sa kampanya kontra illegal drugs.
Samtang, gihulat pa sa PNP ang testimonya ni Brgy. Cawayanan, Boston Davao Oriental Kapitan Yulito Badang, kinsa milagrong naka-survive sa pagpamusil.
Nagpadayong ang imbestigasyon sa mga Special Investigation Task Group (SITG) sa upat ka mga shooting incidents sukad niadtong Enero ning tuiga diin patay usab ang kapitan sa Prk. Lubi, Brgy. Managa, Bansalan, Davao del Sur Samuel V. Dicdican ug Barangay Mabantao, Kapalong, Davao del Norte Kapitan Edgar Allan Quilla.
“We wanted to solve itong mga krimen. Kaya nga ang ating Regional Director nag-create ng Special Investigation Task Force to resolve these cases of killings at the same pamamaril sa mga barangay captains dito sa Davao Region,” sumala niini.
RadyoMaN Aimee Guinita
