Molave, Zamboanga del Sur – Aron magamit isip self-defense batok sa mga kriminal, hatagan ni Pamuno Nasod Rodrigo Duterte og tag-sa ka shotgun ang mga barangay kapitan sa tibook nasod.
Kini ang gibutyag sa presidente sa iyang pakigpulong sa 1,094 ka kapitan didto sa lungsod sa Molave, probinsya sa Zamboanga del Sur kagahapon.
Sumala sa Pangulo magsilbi nga pangkontra sa mga kriminal ang mga shotgun nga ilang pagahuptan. Aminado si Duterte nga daghang mga punong barangay ang nahadlok nga mopatuman sa balaod gumikan sa kapeligro sa kinabuhi.
Plano ni Duterte hatagan usab sa calibre 22 nga pistola ang mga barangay tanod.
Pabor usab sa maong sugyot si 1st District Representative Divina Grace Yu ug Pagadian City Mayor Romeo Pulmones.
Facebook Comments
