Ginpasabot han pamunuan han Police Regional Office VIII nga magkakaada hin re-assignment an mga kapulisan nga mayda kapamilya nga makandidto ha tiarabot nga Barangay ngan SK election ha lugar kun diin hiya naka distino.
Sumala kan PBGen. Vincent Calanoga, Regional Director han PRO8, an mao nga pitad in agud dire mahidabi an mga kapulisan ha politika ngan makapokos la ha paghatag hin seguridad yana nga eleksyon.
Hapagkayana, ginhuhulat nala han PNP nga matapos an usa aka semana ngan schedule han filling han certificate of candidacy, agud makipag sumpayan ha COMELEC ha pagbubuhaton nga reassignment han mga kapulisan.
Manunumduman nga ine nga kamanduman in ginpalusad ni PNP Chief Benjamin Acorda, agud daw malikyan nga maka-impluwensya an mga hine ha resulta han pagdudumaraon nga eleksyon.
An pagbalhin ha posisyon in pagdudumaraon ugsa pa man ipatuman an banning period han transfer ngan detail han public officials and employees.
Facebook Comments
