Mga kapulisan sa matag lungsod naghimo ug mga checkpoint kagahapong adlawa atol kini sa pagsugod sa gun ban

90

Kagahapong aldlawa Domingo, Enero 13, 2019 gipatuman na sa Commission on Election (COMELEC) ug PNP ang Gun Ban subay sa umaabot nga eleksyon karong Mayo ning tuiga.

Gibutyag sa PNP epektibo ang Gun Ban hangtud sa Hunyo 12, 2019.

Pinaagi niini, gidili ang pagdala ug armas; ang pagkuha ug body guards sa mga kandidato; pagkarga ug mga armas, bala, pulbura ug uban pa nga materyales para sa bomba.

Suspendido usab ang pag-isyu, pagproseso, pag-aproba alang sa paghupot ug armas; permiso sa pagdala ug armas; mission order, memorandom receipt para sa mga tigpatuman sa balaod.

Nagtangag ug silot nga usa hangtud 6 ka tuig nga pagkapriso; permanti ug dili na makaserbisyo sa goberno ingon man mawad-an na ug katungod sa pagbotar; pauli-on sa ilang kung ang nakasupak usa ka langyaw; permaninti nga dili na sarang ug takos nga motrabaho sa goberno.

Nanawagan karon ang kapulisan ning rehiyon ilabi na ang kapulisan dinhi sa Zamboanga del norte sa pagpanguna ni PSSUPT Michael Macapagal ngadto sa publiko nga motabang ug kanunayng alerto aron makab-ot ang tinuod nga kahapsay ug kalinaw sa may 2019 elections.

Kagahapon sunod-sunod nga naghimo ug mga checkpoint ang kapulisan sa matag lungsod ning probinsya sa Zamboanga del norte aron masiguro nga walay mga kontrabando ang makasulod dinhi sa Probinsya.

Samtang malampuson pud ang gihimong Unity Walk, interfaith prayer rally ug peace covenant signing isip parte sa adbokasiya sa ZNPPO para sa malinawon nga piniliay karon nga 2019.

Facebook Comments