Gikalipay og dako sa lokal nga pangagamhanan sa Malaybalay ang padayon nga pagkunhod sa mga natalang kaso sa Covid-19 sa milabayng pila ka semana.
Kini resulta sa pagmugna og dugang quarantine facilities sa dakbayan sa Malaybalay.
Sumala sa report sa City Health office, nga ang Enchance Screening Area (ESA) Triage nga walay natalang nagpositibo sa gipahigayong Rapid Antigen Test (RAT) sa tulo ka adlaw sulod sa 5-day period gikan Oktubre 11 hantud 15 sa kapin kon kulang 200 ka mga indibidwal nga mipailawom ug medical screening ug testing.
Kutob kagahapong adlawa, pito (7) lamang ka pasyente ang nakaconfine sa City Government nga mga pasilidad diin lima ang sa Macempc Guesthouse kon ang Pelots sa Brgy. Laguitas samtang duha sa Ligtas Covid Center (LCC) sa Brgy. Patpat.
Dugang pa nga kini ang unang higayon sulod sa upat ka bulan nga ubos sa 10 ka mga indibidwal ang nakaisolate sa mga pasilidad sukad nga nagsugod ang pandemya.
