Nanawagan karon ang mga residente nga apektado sa bagyong vinta kaniadto didto sa brgy. Galukso, lugsod sa roxas ang ipahunong na ang pag quarry og balas sa nahisgutan nga barangay.
Tungod matod pa sa mga residente nga kung mo ulan ug kusog dali kaayo nga mo dako ang tubig sa maong suba tungod na usab kay nagkalapad na ang maong suba.
Kahinumduman nga gi baha sila niadtong desyembre 27, 2017 nga kung diin apektado ang 118 ka mga residente lakip na usab nga namatay ang ilang mga hayupan.
Gani kagahapon giharang man sa mga residente ang dagkong dump truck nga misulod sa maong barangay aron unta magkuha ug balas. Ang maong quarry area gipanag-iyahan kini sa pamilyang Adaza.
Nagsugod ang pag quarry kaniadtong bulan sa oktubre 2016 human kini gitugutan sa mga residente sa brgy. Galukso nga magkuha ug balas ang usa ka construction company nga ginag-iyahan matod pa ni Ong.
Gikabutyag pa sa mga residente nga niadtong bulan pa sa disyembre na paso ang permit sa maong pag quarry apan padayon pa gihapon ang ilang pagpangoykoy sa mga balas.
Ang mga residente nanawagan sa taga MENRO ug sa amahan sa lungsod nga si Mayor Jan Hendrick Vallecer nga dili na unta tugutan pa ang pagkuha ug balas sa maong barangay.
