Roxas City, Capiz – Igapaidalom sa nagakaigo nga laboratory test ang nagkatuhay nga sahe sang mga kemikal nga narekober kahapon nga adlaw sa isa ka apartment nga nahamtang sa Barangay Tiza, Roxas City.
Ini matapos nga ginkakibot sang pila ka mga residente kag mismo sang tag-iya sang apartment nga si Mr. Crispin Tambal ang mga nabutang nga container kag botelya sang mga kemikal nga ginapatihan sangkap sa paghimo sang eksplosibo kag illegal nga druga.
Suno diri, may yara sang isa ka persona nga nagrenta sang nasambitan nga apartment sang nakaligad nga Nobyembre 2017 tubtob Enero 2019.
Ginsiling dugang ni Tambal nga sa ila pagkahibalo, nakilala ang amu nga persona nga isa ka kontratista sang mga kemikal nga ginagamit sa mga school laboratory.
Kalakip sa mga narekober amo ang ammonia solution, ethanol absolute, hydrochloric acid, ammonia solution, ethanol, hydrochloric acid, ammonium sulphate, sodium carbonate, sodium thiosulphate, formalin kag iban pa nga sahe sang kemikal.
