Gitakdang mobisita karong adlawa sulod sa most affected area sa Marawi City ang mga magbabalaod, partikular na ang mga sakop sa House Committee on Marawi rehabilitation and reconstruction.
Matud pa ni Iligan City Lone District Congressman Frederick Siao, tumong sa ilang himoon nga site inspection aron personal nga makit-an ang mga dapit kung asa plano nga tukuron ang permanent housing para sa mga pamilyang nawad-an sa ilang mga balay tungod sa lima ka bulan nga giyera niadtong nakalabay nga tuig.
Partikular nga ilang tan-awon ang kabtangan sa mga pamilya Alonto ug Macarambon sa Barangay Kilala.
Dos mil ka mga housing units, matud pa, ang tukuron sa San Miguel Corporation nga humanon sa upat ka phases.
Ang first phase gitakdang sugdan karong bulana ug gibana-bana nga matapos sa Hunyo sa sunod tuig.
Ang second phase tapuson sa Disyembre 2019, third phase sa June 2020 ug ang last phase sa Disyembre 2020.
