Dipolog City – Magmabinatayon kita, kini ang pahimangno sa Zamboanga del Norte Electric Cooperative Inc. kon Zaneco pinaagi na ni Technical Services Department sa pagpamuno ni TSD Manager Engr. Elmar Martinez labot na sa pagpahimutang sa mga de kuryenting paskohanong dayan-dayan.
Kon kahinumduman, daghanan nang mga insedente sa sunog o kaha nahunosan sa kinabuhi gumikan sa kuryente diin kini nag sumikad sa wala pagsunod sa insaktong pamaagi sa pag-instalar sa wiring connections sulod ug gawas sa panimalay ilabina ang mga series light connections.
Gidasig ni TSD Mngr. Martinez ang tanang konsumante nga ipacheck gagud sa kwalipikadong elektrisyan ang mga naka tago nga mga de kurenting dayan-dayan sa pasko ayha kini gamiton pagusab.
Dugang pa ni Engr. Martinez, nga importanteng sundon gyud ang mga instruction nga natala sa mga itiketa o pakete sa mga Christmas lights ug ang kalidad niini, ilabina sa mga lugar kon asa kini angayan nga ipahimutang aron masiguro ang kaluwasan ug seguridad natong mga kunsumante ilabina sa mga kabataan. (PJJ/ZCIS)
