Narecover sang mga otoridad ang pila ka cellphones, improvised deadly weapons, tooter, sim cards, memory cards kag foil sa ginpatigayon nga greyhound operation sa Iloilo District Jail sa Nanga, Pototan.
Suno kay Jail Superintendent John Montero sang Bureau of Jail Management and Penology- Nanga , Pototan nagakahulugan lang nga may nagagamit sa gihapon sang illegal nga droga sa karsel.
Ginpahayag ni Montero nga malapad ang pasilidad kag kulang sa CCTV cameras ang lugar rason nga nakasulod sa gihapon ang illegal nga droga kag mga kontrabando.
Suno kay Montero, ila dugangan ang mga CCTV cameras sa Iloilo District Jail agud mauntat na ang pagsulod sang mga kontrabando kag illegal nga droga sa pasilidad.
Dugang pa ni Montero nga wala sila nagapakampante bangud may impormasyon nga padayon sa gihapon ang pagpasulod sang mga kontrabando.
(photo from web)
