Mga krudo kag gasolina nga ginabaligya sang tingi-tingi, ginkumpiskar sang Dumarao PNP kag Dumarao Fire Station!

692

Dumarao, Capiz – Madinalag-on nga nakumpiskar sang mga katapo sang kapulisan sang Dumarao kag Dumarao Fire Station ang madamo nga drum kag containers nga may unod sang krudo kag gasolina sa ginkasa nga operasyon sa Brgy Astorga sa nasambitan nga banwa.
Suno kay Police Captain Larnel Frial, ginabanta nga nagasobra sa tunga sa milyon ka pesos ang balor sang mga nakumpiskar nga petrulyo nga ilegal nga ginabaligya.
Ang operasyon ang ginkasa matapos nakabaton sang report ang mga otoridad nga madamo sang ginabaligya nga tingi-tingi nga gasolina kag krudo sa nasambitan nga lugar.
Samtang may kaangut sini, ginpanawagan ni Frial sa mga nagabaligya sang tingi-tingi nga petrulyo nga kun mahimo mag-untat na bangu sa pilgro sini nga idulot sa kabuhi kag propidad sang tawo pananglitan nga mahanabo ang sunog.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers