Nangabot na sa dakbayan sa Sugbu ang gatusan ka mga delegado gikan sa Southern Mindanao alang sa gitawag ug Lakbayan sa Nasudnong Minoriya 2017 .
Mga sakop sa militanteng grupo dinhi sa Sugbu nga gipanguluhan sa BAYAN Central Visayas , Missionaries of the Philippines , Anakbayan ug ubang cause oriented groups nisugat sa mga Lakbayanis nga gilangkoban sa mga lumads ug moro gikan sa Mindanao .
Gikan sa gihimong “salubongan” sa Plaza Independencia , nagmartsa sila paingon sa Fuente Osmeña Circle diin sila moistar hangtud sa Agusto 25 , alang sa ilang paggikan paingon sa Masbate og molahos sa Luzon aron adto nila taposon ang ilang Lakbayan .
Ipalanog sa mga lumads ug moro ang mga isyu nga nakaapekto kanila sama sa lumad killings , epekto ngadto sa nagpadayong Martial law sa Mindano ingon man ang ilang panawagan alang sa pagpadayon sa peace talks tali sa gobyerno ug National Democratic Front of the Philippines.
