Mga LGU’s sa Bukidnon aduna nay isolation unit

34

Gihisgutan kagahapon atol sa gihimong emergency meeting sa Provincial Governmemnt of Bukidnon ang memorandum sa Department of Interior and Local Government o DILG pinitsahan Mayo 25, 2020 kabahin sa “REQUEST TO FACILITATE THE UNHAMPERED MASS TRANSPORT OF REPATRIATED OFW’S TO ALL REGIONS OF THE COUNTRY” lakip na niini ang mga Locally Stranded Individuals kon LSI’s.

Sa interview sa RMN ngadto kang Cabanglasan Mayor Renante Inocando, ang presidente sa League of Municipalities of the Philippines kon LMP Bukidnon Chapter gibutyag niini nga aduna nay mga OFW’s nga nakauli sa probinsya.


As of kagahapon, aduna nay 200 kapin na ka mga stranded OFW’s ang nakauli sa probinsya.

Sa maong panagtigum, gitagsa-tagsa ni Gov. Zubiri ang mga mayores kung nakaandam naba kini ilabi na ang ilang tagsa-tagsa ka mga Isolation Units, mga medical nga pasilidad, mga personahe aron sa pagdawat sa mga moabot nga LSI’s. Matud pa sa mga mayor nga andam na silang modawat ug nakaandam na usab ang mga dapit kung asa kini ipahimutang. Ang tagsa-tagsa ka LGU’s na usab andam nga mogasto sa ilang pagkaon ug ubang galastuhan panahon sa ilang pag-quarantine.

Matud ni Mayor Inocando nga gikauyunan usab sa mga mayor nga ang Kagamhanang Probinsyal sa Bukidnon ang mokuha ug musundo sa mga na-stranded gikan sa Airport ug Pantalan paingon sa Provincial Isolation Center sa Northern Mindanao Wellness and Reintegration Center sa Brgy. Casisang, Malaybalay City, alang sa pag examine kanila sa dili pa kini pagasundoun sa matag lungsod og syudad aron dal-on sa ilang tagsa-tagsa ka mga isolation facilities para sa 14 day quarantine.

Gipirmahan na usab sa gobernador ang pundo aron paga sugdan na ang pag proseso sa financial assistance alang sa 601 ka mga LSIs nga anaa sa mga nagkalain-laing dapit nga nagkantidad ug 2 mil ka pesos matag usa kanila isip tabang samtang na-stranded pa sila og gilantaw nga karong semanaha masugdan na kini nila pagdawat.

Penal na usab nasabutan nga sagubangon sa mga mayores ang gastos sa pagpauli sa mga LSIs gikan sa kaulohan og kabisay-an pinaage sa paghan-ay sa skedyul sa sweeper flights og bookingniini diin gipaningkamutan nga sa sunod semana adunay nay mabyahe kanila pinaagi sa Committee on Repatriation on Stranded Bukidnon Residents sa pagpanguna ni PCL Ex-Officio Board Member Atty. Oliver Owen Garcia.




Facebook Comments