Mga listahan sang drug personalities ihulog sa drop box – PNP

153

Roxas City, Capiz – Magapahamtang sang mga drop boxes ang PNP sa mga barangay sa bug-os nga probinsya sang Capiz agud sarang nga hulugan sang listahan sang mga ginadudahan nga drug personalities.
Ginpahayag ni Police Senior Supt. Samuel Nacion, Provincial Director sang CPPO nga ang mga listahan nga ginhulog sang mga residente ang pagakolektahon sang mga katapo sang kapulisan sa tagsa ka adlaw.
Magapatigayon man sang validation ang PNP upod ang Barangay Anti-drug Abuse Council (BADAC) sa listahan nga ginhulog sa mga drop boxes.
Igapaidalum man sa tokhang sang PNP ang persona nga yara nasulat sa listahan agud paandaman nga mag-untat na sa pagbaligya kag paggamit sang iligal nga droga.
Magluwas sa mga ginahulog nga listahan, igapaidalum liwat sa tokhang (Toktok-hangyo) ang mga drug surrenderer kag newly identified drug personalities sa mga barangay.
Ang pagpahamtang sang drop boxes sa mga barangay ang kabahin sang programa sang PNP nga “Project Tokhang Reboot”.

Facebook Comments

From Advertisers