Ning bag-ohay lang malampuson nga napahigayon ang CEREMONIAL TURN-OVER OF LOOSE FIREARMS didto sa lungsod sa Sirawai, ZDN.
Moabot sa 26 ka klase-klaseng mga armas ang gitahan tungod na usab sa pagpaningkamot ug kampanya sa kasundaluhan sa 42nd IB, mga kapulisan, ug lokal nga panggamhanan sa Sirawai ilawom sa pagpaningkamot ni Mayor Gamar Janihim .
Gitambungan ang maong seremonya nila ni Brigade Commander Col. Bagnus Gaerlan Jr. sa 102nd Brigade, Batallion Commander Ltc. Danilo Ambe ng 42nd IB, Commanding Officer Capt. Jaime Abibas sa 13th SF, PI Arnel Neri COP sa Sirawai Municipal Police Station, Company Commander PCI Mohammad Hashim Sahidaini sa ZNPMFC, Company Commander PSI Allan Benedict Rosete sa 905th RMFB, ABC President Mahari Abdullah, Vice Mayor Jaime Felizarta, Mayor Gamar Janihim ug mga barangay officials sa 34 ka barangay sa Sirawai ZN.
Kini ang dakong kalampusan alang sa taga Sirawai, para sa hapsay ug malinawon nga lungsod para sa mga Sirawainons.
Niadtong Hulyo 31, 2018, ubay-ubay usab ang gitahan nga mga armas didto sa lungsod sa Godod ning probinsya sa Zamboanga del norte moabot sa 25 ka mga mugbo ug tag-as nga armas ang gitahan ngadto sa mga tinugyanan sa balaod sa maong lungsod sa pagpanguna ni Mayor Abel Toto Matildo.
Sama sa Sirawai ang lungsod sa godod naningkamot usab ang mga opisyales nga matagamtaman sa katawhan ang kahapsay ug kalinaw sa ilang dapit.
Lauman nga dili lamang kining lungsod sa Sirawai ug lungsod sa Godod ang adunay ipang tahan nga armas apan gipanghinaot sa mga kasundaluhan ug kapulisan nga ang probinsya sa Zamboanga del norte hingpit na nga magmalinawon ug wala nay mga naghupot ug ihalas nga armas.
Karon nga tuig 2018 ang lungsod sa Sirawai mao ang ikaduha nga higayon nga daghan usab nga mga armas ang gi turn over uban sa pag awhag nga mobalik na sa sabakan sa gobyerno ug motabang para sa kalambuan sa nasud sa Pilipinas.
