TACLOBAN CITY – Ginsadhan han Philippine National Police (PNP) an mga lotto outlets ha Tacloban City yana nga adlaw, July 27.
Upod nga ginpasadhan an Keno, STL, Peryahan ng Bayan ngan iba nga gaming shemes.
Sumala kan PNP Region 8 Brigadier Gen. Dionardo Carlos, diri la ha Tacloban an ira ginpansadhan kundi ha bug-os nga Region 8.
“As early as 7 or 8 in the morning nagsasagawa sila nga simultaneous operation natin ngayon.”
Upod an mga kapulisan han Tacloban City Police Office, ginbutangan hin “CLOSE” signage an mga lotto outlets.
Napausa naman an mga tawo nga karuyag tumaya tungod nga aga pala, waray abri nga mga lotto stations ha Tacloban pati gaming outlets ha mga malls.
Mababaruan nga nagmando hi Presidente Rodrigo Duterte ha PNP nga pasadhan an mga gaming operation nga may prangkisa ha Philippine Charity Sweepstakes Office (PCSO) tungod han gin-aaligar korapsyon han mao nga opisina.
