Zamboanga del Sur – Ginaabli na usab ang pagpangdawat sa mga NON-APOR o kanhi gitawag nga Locally Stranded Invidual sa syudad sa Pagadian ug probinsya sa Zamboanga del Sur sugod kagahapong adlawa. Subling gipahibalo sa Tourism office sa probinsya nga dili na libre ang rapid test kits gawas niadtong mga Returning Overseas Filipino kun ROF nga nakiglambigit sa buhatan sa Overseas Workers Welfare Administration (_OWWA_).
Samtang ang mga manguli sa Zamboanga del Sur nga gikan sa Manila ug Cebu nga modungo sa Ozamis City pagatabangan sa probinsya sa plitehan sa bus gikan sa pantalan sa Ozamis paingon sa Megayon. Didto usab ipahigayon sa Megayon sa Dao ang rapid test diin obligado nga mobayad ang matag Non-APOR o LSI sa kantidad nga (P500.00). Gitugutan na usab ang kabarangayan sa probinsya nga mo-issue og barangay acceptance alang sa mga mouli dinhi sa lalawigan.
