Roxas City, Capiz – Naglab-ot na sa kabug-osan nga 3, 327 ang mga locally stranded individuals(LSIs) kag mga OFW Repatriates ang nakapauli sa probinsya sang Capiz as of, June 20, 2020.
Base sa rekord sang Provincial Disaster Risk Reduction and Management Office(PDRRMO), 2, 693 ang mga LSI samtang 634 naman ka mga OFW ang naka-avail sang repatriation program sang gobyerno.
Ang Roxas City naman ang nagapanguna nga may yara sang pinakadamo nga mga LSI kag mga OFW repats nga nakapauli nga naglab-ot sa 754 sa pangkabug-osan. Samtang ginpahanumdom sang provincial governent nga dapat may yara sang kumpleto nga dokumento ang mga LSI nga nabilin pa sa National Capital Region(NCR) agud makapauli na sa Capiz.
Liwat nga naghingyo sang pagintindi ang pamunoan ni Governor Nonoy Evan Contreras sa kadamuon sang mga LSI nga indi tanan matingub papauli insigida.
photo(c)- PDRRMO Capiz
