Mga lugar nga ginpaidalum sa signal number 1, nadugangan

98

Nadugangan pa ang mga lugar nga ginpaidalum sa signal number 1.

Suno sa 11AM, 13 September 2018 severe weather bulletin #4 sang PAG-ASA, nakit-an ang sentro ni Bagyo Ompong sa kalayuon nga 725 km East sang Virac, Catanduanes.

May kabaskugon ini sang hangin nga nagalab-ot sa 205 kph lapit sa tunga kag pagmadlos nga nagalab-ot naman sa 255 kph. Westward ang direksyon sang bagyo sa kadasigon nga 20 kph.

Ginpaidalum na sang PAG-ASA sa signal number 1 ang mga masunod: Batanes, Cagayan including Babuyan group of Islands, Apayao, Abra, Kalinga, Mountain Province, Ifugao, Isabela, Benguet, Quirino, Nueva Vizcaya, Aurora, Nueva Ecija, Bulacan, Rizal, Laguna, Quezon inc. Polillo Island, Camarines Norte, Camarines Sur, Catanduanes, Albay, Sorsogon, Burias and Ticao island.

Heavy to intense rainfall naman ang lauman sa Cagayan Valley kag Cordillera Administrative Region. Mas ginpabaskog naman nga habagat ang magapaulan sa Palawan, Zamboanga Peninsula kag Visayas.

Mangin maulanon man sa adlaw sang Sabado sa Western Visayas, National Capital Region, Palawan kag Zamboanga Peninsula.
Lauman naman ang storm surge ukon daluyong sa Isabela, Cagayan kag Ilocos Sur.

Adlaw sang Sabado, September 15 ginalauman nga maga-landfall si Ompong sa Cagayan. Dominggo naman sang aga lauman nga yara na ini sa guwa sang Philippine Area of Responsibility.

Bantayan ang masunod nga update sang PAG-ASA karon, las-singko sang hapon. -RCSG/iFM Bacolod

Facebook Comments