Gitapos kagahapon sa mga Madrasah administrators gikan sa Lanao del Sur, Maguindanao, Basilan ug mga siyudad sa Marawi, Cotabato ug Isabela ang duha ka adlaw nga summit, aron magtapok pag-usab sa Lohas Hotel sa Laguindingan, Misamis Oriental.
Miabot ngadto sa 19 ka mga administrators: walo gikan sa Maguindanao ug Cotabato, unom gikan sa Basilan ug lima gikan sa Lanao del Sur, ang misalmot sa maong panagtapok nga nagtumong sa pagpaambit sa resulta sa ilang mga proyekto, mga natun-an ug mga gipatuman sa ilang matag komunidad.
Kabahin kini sa gipundohan sa United States (US) Embassy in the Philippines nga 12.7 million pesos nga proyekto nga gitawag og Empowering Madrasah Educators o EMPOWERING ME program.
Kauban ang usa ka non-government organization nga Naawan Helps Empowers Liberates Protects Strengthens o Naawan HELPS-Communities, Inc., bu-ot nga ipakita sa maong proyekto ang mga programa sa mga Madrasah nga naka-focused sa pagpalambo sa mga best practices sa tunghaan, kalidad sa mga pasilidad sa ilang mga instructional materials o mga gamit sa ilang pagtudlo ug ang resulta sa ilang edukasyon.
Una na’ng misalmot ang maong mga Madrasah administrators sa duha ka trainings niadtong June 11-15 ug July 5-9, nga kabahin sa school management ug education leadership nga nag-emphasize sa key American educational values of critical thinking, creativity, equality, inclusion ug tolerance. (Divina Suson)
