Mga magkuha sang student permit kag new driver’s license sa LTO, kinahanglan may-yara na sang theoretical driving certificate.

Nag-epektibo na umpisa sang Lunes nga adlaw, Agusto 3 subong nga tuig ang implementasyon sang Drivers Enhancement Program sang Land Tranportation Office ukon LTO.

May-angot sini, suno kay LTO 12 Regional Director Macario Gonzaga, kinahanglan nga may 15 ka oras nga theoretical driving ang mga magkuha sang student permit kag 8 ka oras nga practical driving course naman ang sa mga bag-o nga magkuha sang driver’s license.

Paklaro pa ni Gonzaga nga ini ang nakit-an sang ahensya nga solusyon sa nakaalarma na nga mga insidente sang road crashes nga kinahanglan na sang mga nagamaneho sang dugang nga ihibalo.


Suno sa regional director itudlo sa Drivers Enhancement Program ang mga balaud sa trapiko kapareho sang overspeeding, reckless driving kag iban pa , matapos nga ini suno pa ang masami nga nangin rason sang disgrasya sa dalanon.

Aminado man siya nga tungod mahapos ang pagkuha sang lisensya sa ila talatapan wala na san disiplina ang kadam-an nga mga driver.

Magakuha naman ang mga aplikante sang Theoretical driving course sa mga accredited driving school sang LTO amo nga wala na sang fixer sa aplikasyon sang student permit kag driver’s license.

Facebook Comments