Aprubado na sa kamara sa ikatulo nga pagbasa ug katapusang pagbasa ang paghatag ug proteksyon sa mga magtutudlo ug uban pang personahe sa tulunghaan.
Sabotong 183 yes ug walay mi bagbag, hinungdan nga mipasar kining house bill 9065 o ang “Teachers Protection Act”.
Tumong niini nga balaodnon nga mapatuman ang mas hugot nga pagdisiplina sa mga estudyante ug ipakita ang saktong pamatasan sa ilang kapareho nga estudyante, mga magtutudlo ug mga school staff ilabi na sa oras sa klase bisan paman sa sulod ug gawas sa eskwelahan aron malikayan ang mga alegasyon sa child abuse sa mga magtutudlo.
Ang Department of Education (DepEd) mag isyo ug guidelines para sa Teacher Protection sama katungod ug responsibilidad sa mga magtutudlo sa pagdisiplina sa mga estudyante, ug intervention sa mga magtutudlo sa mga malapason sa school rule ug regulation sa mga estudyante ugklaro nga disciplinary procedure sa mga tulunghaan.
Ang ilatag sa DepEd nga disciplinary rules ug procedures, dili kini matawag nga child abuse o child exploitation kalabot sa R.A 7610 o “Special Protection of Children Against Abuse, Exploitation and Discrimination Act”.
Dinhi sa probinsya sa Zamboanga del norte aminado ang pipila ka mga magtutudlo nga aduna gayud mga estudyante nga walay saktong pamatasan ug walay respeto sa ilang mga klasmeyt ug sa ilang mga magtutudlo.
Pasalamat ang mga magtutudlo kung mapasar kining mga balaodnon, tungod dako kining tabang alang kanila nga mapanalipdan ang ilang tagsa-tagsa ka mga katungod.
