Tungod sa padayon nga pag-ulan ulan matag karon ug unya apektado ang pipila ka mga lugar dinhi sa dakbayan sa Dipolog ilabi na kung mo taas ang tubig dala sa kanunay nga pag ulan.
Usa na niini ang galas elementary school nga kung diin kung mag sige ug ulan dali kaayo nga mo lanap ang tubig sa nahisgutan nga tulunghaan.
Hinungdan nga apektado kaayo ang mga magtutungha ug mga magtutudlo kay mo sulod ang tubig sa ilang tagsa- tagsa ka mga lawak saringan.
Gani usa sa mag magtutdlo nga si Alma Santiago, gika butyag niya nga dili gyud sila maka klase ug tarong kay daghan kaaayo ang tubig sa ilang lawak,hinungdan nga magpatong nalang ang mga bata sa ilang mga bangko aron dili mabasa ang ilang mga sapatos.
Hasol usab para kanila, kay dugay kaayo mo hubas ang tubig nga mosulod kay kinahanglan pa nga sag-ahon pagawas saysay pa ni Mrs. Santiago.
Nanawagan usab ang mga magtutudlo sa maong tulunghaan ngadto sa mga ginikanan nga nagpa eskwela sa Galas Elem. School nga mo tabang sa paglimpyo kung masudlan pag usab ug tubig aron sa ingon nga conducive to learning environment ang mga lawak saringan.
Usa sa ilang nakita nga hinungdan ngano nga mopadulong ang tubig sa ilang lawak tungod kay walay drainage sa nasampit nga lugar.
Nagla-um usab sila nga mahatagan kini ug aksyon o di ba kaha malili kini sa lokal nga panggamhan aron hingpit na nga matuldukan ang ilang dugay na nga problema nga giaantos may kalabot sa tubig baha.
