Nasampolan gyud kining kapin sa 3,000 ka mga delatang Maling ug gisakmit sa Provincial African Swine Fever Task Force gikan sa usa ka bodega sa pier 1 sa dakbayan sa Sugbu.
Ang mga Chinese nga luncheon meat gitohoang isuplay unta sa Bohol apan gibalik sa Sugbu subay usab sa gipatuman nga temporaryo nga pagban sa maong lalawigan alang sa transportasyon sa mga baboy , karneng baboy ug ubang produkto niini hinungdan nga gibalik kini dinhi sa Sugbu.
Ang shipper sa mga de lata wa makakakita ngadto sa Cebu Port Authority ug sertipikasyon gikan sa Food and Drug Administration hinungdan nga ila kining gireport sa Regional Veterinarian Office ug sakmiton sa FDA ang mga produkto.
Ang mga delata nga Maling nibalor ug kapin sa P200,000.
Gitakda kining sunugon subay sa nalatid sa lagda sa ASF Task Force .
Ang task force gitukod sa lalawigan sa Sugbu aron pagsiguro nga di makasud sa probinsiya ang ASF.
