Mga 3:20AM niadtong miaging adlaw , usa ka pump boat ang gikatahong illegal ang pagpangisda didto sakop sa kadagatan sa Leon B. Postigo ning atong probinsya partikular mente sa usa ka protected Municipal Fish Sanctuary sa nahisgutan nga lungsod.
May kalabot sa maong taho ang kapulisan sa Leon B. Postigo, Municipal Fisheries, sa pagpanguna ni Ricardo Mahinay, ug Municipal Fish Warden dali nga mi adto sa maong dapit aron susihon kun unsa ka tinuod ang maong taho.
Sa ilang paghidangat nakita sa grupo ang pump boat nga adunay marking Anabel nagdala ug palakaya gamiton sa pagkuha sa uyap, gipanag-iyahan kini ni Danilo Sabanate, 48 anyos, molupyo sa brgy. Upper Inuman, lungsod sa Sindangan gimaneho kini ni Jomar Calunsag Acat, 18 anyos, maoy silbing kapitan sa Bangka. Lakip usab nga nasikop ang igsuon niini nga si alyas “Jay” pulos kini sila taga Inuman, Sindangan.
Gi inspeksyon kini sa kapulisan ug gipangitaan ug permit, apan wala kini sila ikapakita nga mga dokumento, hinungdan nga gi sikop kini sila lakip nga gidala ang mga fishing paraphernalia.
Gibana-bana nga mo balor sa 1,200 ang nakuha nila nga isda, samtang ang municipal fish warden mi isyu kini ug tulo ka citation tungod sa paglapas sa unauthorized fishing, fish sanctuary/mpa violation, encroachment within municipal water and fine mesh-net.
Mi usab ug inventory receipt ang fish warden sa ilang nakumpiska nga mga fishing paraphernalia ug gidala kini sa Leon B. Posigo MPS alang sa tukmang disposasyon. Ang minor de edad nga dinakpan gi turn over kini sa Women and Children Protection Section (WCPS).
