Duha ka mananagat nagtingkagol karon sa bilangguan sa kapolisan sa Medellin human nanglabay ug dinamita .
Apan dili sa dagat niitsa ug dinamita ang mga suspek nga sila si Meljun Asingua 22 anyos ug Orly Cabucos, 25 anyos apan ngadto sa duha ka mga batan-on nga nag-istambay sa Sitio Sta. Cruz Barangay Antipolo sa Medellin.
Ang gilabay ug dinamita mao sila si Ronel Noynay ug Jaypee Saplag nga molopyo ra usa sa maong lugar.
Matud ni SPO1 Orlando Batutin sa Medellin Police Station gihasi sa mga suspek ang duha ka batan-on ug nangutana kung mouban ba ngadto nila kay kung dili iyang ilabay ang “dinamita.”
Ang mga biktima nakadagan hinoon ug wa maigo sa dinamita, apan ang kusug nga pag-ulbo niini nakapaalarma sa mga residente sa maong lugar.
Facebook Comments
