Mga mangirisda nga 11 ka-oras nagpalutaw-lutaw ha dagat, narescue na

308

TACLOBAN CITY – Narescue an pito (7) nga mangirisda ha kadagatan han San Francisco, Southern Leyte matapos matiklob an ira ginsasakyan nga fishing boat kakulop, July 17.

Tikang Surigao City an mga mangirisda.


Sumala han PNP Regional Office 8, nakasurvive an mga mangirisda tungod nga mayada hira nakaptan nga mga empty containers. Ha sakob an 11 kaoras nga paglinutaw-lutaw ha kadagatan ngan naanod tungod han mga balod ngan nahingadto hira ha San Francisco.

Lumarga an mga mangirisda ha Surigao City miyerkules han kaagahon.

Mababaruan nga nag abiso an Philippine Coast Guard (PCG) nga pag may bagyo, iginbabawal an pagtalabok ha dagat.

Safe an tanan nga mangirisda pero ginpa ilarom la gihap hira ha medical check up.

Facebook Comments

From Advertisers