Ginaawhag sang pamunuan sang Provincial Agriculture Office ang mga mangunguma sa South Cotabato nga kon yara na sa vegetative stage ang tanom nga palay ang magcoordinate ukon magpalista na kon luyag sang mga ini nga mag-avail sang palay support fund subong nga 2020.
Suno kay Provincial Agriculturist Justina Navarete sarang nga makapalista ang mga mangunguma sa ila municipal agriculture office ukon sa provincial agriculture office.
Paklaro pa ni Maam Navarete ini tungod subong nga tuig nga implementasyon sang palay support fund kinahanglan nga magsubmitir sang soil sample, ilista sang mga mangunguma kon san-o sila nagtanom, ano nga variety ang gingamit kag iban pa.
Ini matapos nga sa subong ginaproseso pa ang P15 million nga 2020 palay support fund.
