Ginakadtuan na mismo sang mga manunudlo sang pipila ka mga eskwelahan dire sa probinsya ang mga komunidad agud nga hangkaton ang mga ginikanan kag mga kabataan nga magpalista na kabahin sang ginapatuman nga early registration sang Department of Education bilang preparasyon sa school year 2019-2020.
May-angot sini, iya ginapasalamatan suno kay South Cotabato Schools Division Supt. Isagani dela Cruz nga naghimo sang amo nga istratehiya ang pipila ka mga eskwelahan dire sa probinsya.
Samtang, padayon ang ila nga paghangkat sa mga ginikanan kag mga estudyante suno kay Sir Dela Cruz nga magpalista na tungod katuyuan sang nasambit nga programa sang talataplan agud nga mapreparahan ang masunod nga school year.
Advice naman sini sa mga ginikanan nga magdala lang sang birth certificate para sa mga magkindergarten, grade 1, 7 kag 11.
Magadugay ang early registration tubtob sa katapusan sang sini nga bulan.
