Priyoridad sa rehabilitasyon sa Marawi ang mga residente nga nakabalik na sa ilang tagsa-tagsa ka mga pinuy-anan human sila mahiklin og halos walo ka bulan tungod sa nahitabong kagubot sa siyudad.
Matud pa ni Housing Assistant Secretary Felix Castro, field office manager sa Task Force Bangon Marawi, nga unahon ang maong mga displaced families ilabina ang paghatag kanila’g trabaho tungod kay mao man kini ang gikinahanglan nila sa karon.
Kapin 10 mil ka mga pamilya, nga kaniadto nagpuyo sa karon gitawag og most affected areas ang nawad-an sa ilang mga pinuy-an, kabtangan ug negosyo human ang lima ka bulan nga giyera tali sa tropa sa gobyerno ug sa teroristang Daesh- inspired group sa Marawi.
Lakip nga naapektuhan ang mga residente nga anaa sa cleared areas apanang ilang negosyo atua mahimutang sa usa sa 24 kamga barangays nga nasulod sa kanhi main battle area.
Alayon niini, dili pa lamang dugay, mi- gradwar ang kapin 90 ka mga internally displaced persons sa Training of the Trainers Capacity Building Program sa Technical Education and Skills Development Authority o TESDA.
Tumong sa maong capacity building program nga mapalambo ang ilangabilidad, ilabina sa mga skilled industry workers nga nagtrabaho na og masonry, carpentry, welding, machine operating ug uban pa’ng construction occupations.
