MGA MENOR DE EDAD HALIN SA MAY SARANG NGA PAMILYA NGA NAGALIHO- LIHO SA KAGAB-IHON SA DALANON, ATENSYUN ANG GINAPANGITA SUNO SA TASK FORCE ON MORAL VALUES AND FORMATION
Kakulang sang atensyun kag indi kaimulon ang kalabanan nga rason sang mga menor de edad nga na-rescue sang ginpatigayun nga simultaneous kag massive nga operasyon sang sang City Government, City Social Welfare and Development Office kag Iloilo City Police Office.
Suno sa kay Mr. Nestor Canong, isa sa mga rason sang mga menor de edad nga pigado ang kaimulon apang atensyun naman ang ginapangita sang mga bata sang manggaranon nga ila marescue sa mga dalanon nga nagalagaw sa kagab-ihon tubtob sa kaagahon.
Ginpaandaman naman ni Canong ang mga ginikanan okon guardian nga possible sila ma-preso kag magabayad sang penalidad pananglitan liwat nga masulit bayolasyon kag liwat nga marescue ang ila mga kabataan bangud sa ila kapabayaan
*S*a rescue operation sang nagligad nga gab-I Setyembre 13, 19 ka mga menor de edad ang natigayun nila nga ma-rescue kon sa diin ang iban ang ginadul-ong sa ila balay kag ginaturn –over sa mga ginikanan samtang ang iban ang yara subong sa crisis intervention unit sang City Government.
