Davao City-Kapin kinientos ka mga protesters gikan sa mga nagkadaiyang progresibong pundok ang misalmot sa gipahigayong rally atol sa ika-45 anibersaryo sa balaod militar dinhi sa Davao City.
Matud ni Mags Maglana, convener sa Anti-Martial Law Group Konsensya Dabaw nga dili kinahanglan nga entero Mindanao ang ipalawm sa balaod militar inay angay ang tutukan sa militar ang problema didto sa Marawi City.
“Gusto nato mahinumduman ni, gusto natong babagan kay nakita nato dili kinahanglan. Ang martial law usa ka extra ordinary power sa president sumala sa konstitusyon. Extraordinary siya kay pwede lang siya gamiton under certain circumstances. Ang makita nato dinhi sa Lanao del Sur, sa Marawi nga dapat sulbaron, so nakita nato nga dapat nato tutukan. Pero for the rest of the Mindanao nakita nato nga dili na kinahanglan…Kung strong ang atong panggamhanan dapat kaya niyang i-imposar ang peace and order and stability through the normal means.”
Usa sab sa gipunto ni maglana ang nahitabong pagpatay sa mga giingong nalambigit sa iligal nga droga.
“Naa na bay naaresto? Naa na bay na filean og kaso? Naa bay maingon gyod nato nga systematikong pamaagi para madakpan ang mga salarin?Mabalaka hinuon ta ka yang senyales ang atong kaugalingong gobyerno dili ta maprotektahan against extra judicial killings.”
Nanawagan si Maglana ngadto kang Presidente Duterte nga i-lift ang martial law dinhi sa Mindanao.
RadyoMan Aimee Guinita
