Gawas sa pagsunog sa bandera sa Amerika, malinawon hinoon nga gipahigayon sa mga militanteng grupo sa Sugbu kaganinang buntag sa atubangan sa Cebu International Convention Center (CICC) sa dakbayan sa Mandaue.
Ang CICC nga nigasto ug kapin sa tunga sa bilyon ka pesos gitukod atol sa paghost sa Sugbu sa Asean Summit niadtong 2007 , apan karon nahimo nang larawan sa pag-usik-usik sa panudlanan sa gobyerno nga alang kanila magamit pa unta sa mas maayong katoyoan.
Ang kalihukan maoy ilang pagpakita sa ilang pagsupak sa pagtambong ni U.S. President Donald Trump sa 2017 ASERAN Summit nga gihimo didto sa kaulohan.
Ilang panawagan sa “Ban Trump” rally mao ang pagbatok sa gitawag niini ug imperyalismong Amerika ug pasistant rehimong US-Duterte!
Gisaway usab nila ang paggasto sa gobyerno sa paghost sa ASEAN Summit nga mokabat ug 15.5 bilyones pesos alang sa pipila ka adlaw nga kalihukan .
