Davao City – Sikop ang duha ka minero atol sa gilusad nga buy bust operation sa Philippine Drug Enforcement Agency Regional Office XI ug Nabunturan Municipal Police Station niadtong adlawng Sityembre 24 alas-6:40 sa kagabhion didto sa Purok 9, Poblacion, Nabunturan, Compostela Valley Province.
Base sa rekord sa PDEA XI, arestado ang suspek nga naila sa pangalang Rhinmar Mabras Trimidal, 26 anyos nga taga Lianga, Surigao del Sur ug Seanie Tiaja Henares alyas Ondoy.
Matod pa, postibong napalitan ang mga suspek og usa ka gramo sa gituohang shabu nga mokantidad og 10, 000 pesos pinaagi sa usa ka poseur buyer gamit ang buy bust money.
Si Henares daling nakasibat sa dihang nakamatikod kini nga kapulisan ang gikatransak niini apan human sa pila ka oras gikan sa entrapment mitahan ra sab kini sa iyang kaugalingon sa Nabunturan Municipal Police Station.
Ang mga suspek mag atubang og kasong kalapasan sa Section 5 of Article II sa Republic Act 9165 kon Comprehensive Dangerous Drugs Act of 2002.
RadyoMaN Abi Bibera
