Naglab-ot sa 249 ka menor de edad ang narescue sang Iloilo City Police Office kag Task force on Moral Values and formation sa hugot nga pagpatuman sang curfew for minors diri sa syudad sang Iloilo humalin sang Oktubre 17 tubtub Nobyembre 2.
Suno kay ICPO Spokesperson Shella Mae Sangrines nga may marescue gid nga minors kada gab-i ang mga otoridad.
Bangud sini, nagapati si sangrines nga kinahanglan sang mga sustainable programs para malikaw ang mga kabataan sa mga bisyo ukon kinagamo.
Bilang suporta sa programa para sa mga kabataan, liwat ngha igalunsar sang Iloilo City Police Office ang project B.O.N.G ukon Bringing Order to the Nemesis of Gang.
katuyuan sang project bong nga mapalayo ang mga kabataan sa kinagamo kaangay sang pag-intra sa mga gangs.
Sa nasambit nga proyekto, may pagahiwaton nga 2 ka adlaw nga youth camp kon sa diin may mga aktibidad nga ginhanda ang icpo para mangin God-centered kag responsable ang mga kabataan.
Pagahiwaton ang Youth camp umpisa subong nga adlaw, sa Nobyembre 3 tubtob 4 sa Goducate training center sa banwa sang San miguel,Iloilo.
Madumduman nga sang nagligad nga abril ginlunsar ini sang ICPO bilang sabat sa problema sang syudad sa mga kabataan nga naga-intra sa mga gangs kag naga-ubra sang kinagamo.
