Isuspenso na sugod sa Marso 18 , Miyerkoles ang tanang mga misa apil na sa adlaw`ng Dominggo sa Cebu Archdiocese , ug ingon man mga diocese sa Talibon ug Tagbilaran sa lalawigan sa Bohol .
Si Cebu Archbishop Jose Palma namahayag nga lisod nga desisyon ang gihimo sa liderato sa simbahang katoliko , apan gipakita niini nga ning krisis karon sa panahon tungod sa hulga sa coronavirus disease , usa kini ka paagi aron ipakita ang gugma sa katawhan alang sa Sugbo , sa isig ka magtotoo ug sa Ginoo .
Samtang sa lalawigan sa Bohol gipahibawo usab ni Obispo Alberto Uy sa Diocese sa Tagbilaran ug Obispo Patrick Daniel Parcon sa Diocese sa Talibon nga gisuspenso na usab ang tanang misa sa tibook lalawigan .
Ang mga misa ug mga kalihukan sa Semana Santa mahimong ipaagi una sa live streaming sa Facebook, radyo ug telebisyon .
