May bago nang mga opisyal na inihalal para sa 20th Congress ang Partylist Coalition Foundation Inc. (PCFI) sa House of Representatives.
Sa pulong ng mga kasapi ng PCFI ay kanilang pinili si TGP Partylist Rep. Bong Teves bilang bagong pangulo na papalit sa nagbitiw na si Rep. Elizaldy Co, habang iniluklok naman bilang chairman si House Minority Leader at 4Ps Partylist Rep. Marcelino Libanan.
Kabilang sa mga iniluklok ng PCFI bilang mga bise presidente ay sina:
• Coop-Natco PL Rep. Felimon Espares (Executive VP)
• Agimat PL Rep. Bryan Revilla (Internal)
• Abamin PL Rep. Maximo Rodriguez Jr. (External)
• TUCP PL Rep. Raymond Mendoza (VP for Operations)
• Akbayan PL Rep. Percy Cendaña (Minority VP)
• Philreca PL Rep. Presley De Jesus
• Kapuso PM PL Rep. Munir N. Arbison
• Nanay PL Rep. Florabel Yatco
Si Tingog PL Rep. Jude Acidre naman ang kanilang Secretary General, habang Assistant Secretary General si FPJ Panday Bayanihan PL Rep. Brian Poe, at treasurer si United Senior Citizens PL Rep. Milagros Magsaysay.
Napili namang tagapagsalita ng PCFI sina Kamanggagawa PL Rep. Elijah San Fernando at 4Ps PL Rep. JC Abalos.
Binigyang-diin naman ng PCFI na ngayong 20th Congress ay nakatakda talaga ang kanilang eleksyon at walang kinalaman sa pagbibitiw ni Co.
