Mga miyembro sa 4P’s nakadawat na ug ayuda gikan sa Social Amelioration Program

45

Gipahayag ni Oliver Inodeo, ang focal person sa 4Ps region 10 sa interview sa RMN Malaybalay kaganehang buntag nga nahatag na kagahapong adlawa ang ayuda gikan sa Social Amelioration Program alang sa mga miyembro sa 4Ps.

Nasayran nga adunay kinatibuk-an miyembro sa 4P’s nga 245,000 kapin sa rehiyon 10.


Apan gibutyag ni Inodeo nga wala pa nahatag ang ayuda alang sa mga sakop sa UCT, social pensioners ug mga anaa sa informal sector.

Matud ni Inodeo nga hulatan lang niini tungod kay ihatod ra kini sa ilang mga tagsa-tagsa ka mga panimalay.

Una nang gipahayag sa Departmen of Social Welfare and Development kon DSWD nga mokabat sa 892,577 ka pamilya dinhi sa Northern Mindanao ang target nga makadawat og assistance nga Social Amelioration Program.

Sa interview sa RMN gibutyag ni Charmaine Tadlas, ang information officer sa Department of Social Welfare and Development (DSWD)-Northern Mindanao, nga kini nga programa, duha ka bulan nga ihatag nga mao ang bulan sa Abril ug Mayo isip tubag sa kalisod ning nasinati karon ang krisis sa panglawas tungod sa COVID-19.

Dinhi sa Northern Mindanao anaa sa P6,000 ang madawatan matag benepisiyaryo tungod kay gibasehan niini minimum wage level.


Giklaro niini nga dili tanan cash ang madawat sa benepisiyaryo kay pahat niini alang sa food packs nga gibana-banang mokantidad og P2,700 ug ang sobra niini mao ang cash assistance nga motakdo P6,000 nga kantidad.

Facebook Comments