Matod ni Boyer Catubag sa MV/ Pacific Motorbanca nga duna mga biyahe nga 20 ra ang ilang pasahero, ug ang i-plete dili pa igo aron itubil sa ilang Motorbanca.
Ang kasamtangang plete sa Motorbanca nga may rotang Talicud Island gikan P90 hangtod P110, depende sa gidak-on ug kapasidad sa Motorbanca.
Giingon ni Catubag, maka- bawi lang sila kon sabado ug Domingo kay dagsa ang mga tawo nga mangaligo sa Talicud di sama sa Lunes ug Biyernes nga hinay.
Gibutyag ni Motorman Valeriano Tanuco nga sagad sa mga Motorbanca sa Sta. Ana Wharf, pakyaw- pakyaw ang sistema, ug ang presyo magdepende sa negosasyon sa Motorbanca Management ug customer.
Apan giingon ni Tanuco, kasagaran anaa sa P15,000 ang masirado nga deal alang sa 40 ka Pasahero ug back and forth nga biyahe.
Suma ni Tanuco, mahulog gihapon nga lugi ang biyahe bisan og tignilibo ang kontrata, kini hatod sa kamahal sa petrolyo hilabi na ang diesel, bayrunon sa Pantalan, permit fees, ug sweldo sa mga tawo.
Pero bisan paman og lugi na ang Industriya sa Motor- Banca, apan wa gihapo’y plano ang mga Operators nga magduso og petisyon sa Maritime Industry Authority (MARINA) Davao Region aron usbawan ang plete sa Motorbanca.
Katapusan nagpasaka og P10 nga pletehan sa mga Motorbanca niadto pang buwan sa Marso sud aning tuiga.
RadyoMaN Joel Viray
