Mga motorista gi-abisuhan sa mayor

24

Pagadian City – Gipasidan-an karon sa local nga kagamhanan sa syudad ang mga motorista nga malangay kini og dyutay gumikan sa ipatuman nga checkpoint sa exit ug entry point sa dakbayan ug pagsita sa kadalanan aron pagsanta sa mga krimen.

Sumala ni Mayor Sammy Co, lauman nga sitahon sa otoridad dungan pagpangita sa mga dokumento sama sa rehistro ug lisensya ang mga motorista nga motaak sa syudad.


Nagpasidaan ang mayor sa mga nagagamit o nanag-iya og single motorcycle mamahimong malisod ang ilang kahimtang tungod sa mga pagahimoong lakang aron mapakgang ang mga kaso sa carnapping ug pagpanulis diin single motorsiklo ang ginagamit sa mga suspetsado.

Sukad niadtong Sabado hugtanon kining gipatuman sa nga pangagamhanan ang pagbutang ug mga checkpoints diin lima ka mga mobile teams ang nikasa sa-inspection ug nilibot sa nagkalain-laing lugar sa siyudad.

Kining gihimong lakang ni Mayor Co matud pa sumala kini sa iyang rekomendasyon sa hepe sa kapulisan sa Pagadian isip preventive measure tungod sa mga krimen nga kasagaran ang gigamit nga vehicle mao ang single motorcycle.

Gipasabot ni Co nga medyo mahasol ug malangan ang mga motorista tungod kay kinahanglan sila moagi ug inspeksyon diha sa mga maagian nilang checkpoint.

Gi-abisohan usab ni Mayor Co ang mga magdala ug single motorcycle nga dili ilaha nga magkuha ug authorization sa tag-iya isip pagpamatuod nga gihatagan sila ug permiso nga mogamit niini.

Sigon usab niya nga importanteng mapakita sa mga tag-iya sa motorsiklo ang rehistro sa ilang sakyanan, lakip na ang driver’s license.

Mahinumduman nga duha ka sunod-sunod nga pagpanulis ang nahitabo sa syudad niadtong niaging semana diin pulos namusil ang mga suspek human nakatangag sa ilang tuyo nga kwarta gikan sa duha ka negosyante.
(Photo credit : PNP Pagadian)

Facebook Comments