Tungod sa padayon nga pag repair sa Pulauan Bridge gikan sa Dipolog-Oroqueta Road, partikular sa may Barangay San pedro sakop sa lungsod sa Dapitan.
Gi awhag karon ang mga motorista nga mo agi sa maong tulay ilabina ang mga cargo trucks nga dili na pwede sila mo agi sa maong tulay tungod kay katunga nalang sa maong tulay ang pwede maagian human giguba ang katunga ani nga nawong dili palang dugay.
Ang pwede maka agi mao lang ang mga light vehicles sama sa single motor ug mga bus nga de pasahero.
Aron malikay sa posibleng disgrasya sa maong tulay, gitugutan lang ang mga motor single ug bus nga mo agi apan ang mga heavy loaded cargo trucks nga mo timbang ug 10 tons pataas wala gitugutan nga moagi sugod karong Mayo 4, ning tuiga.
Nagpagawas karon ug kamanduan si OIC 3rd District Engineer Veronico O. Macarandayo sa Department Of Public Works And Highways (DPWH) Zamboanga del Norte ang mga bumabyahe gikan sa dakbayan sa Oroqueta ug dakbayan sa Ozamis padulong sa Pulauan Port o dinhi sa dakbayan sa Dipolog, duha ang pwede pilian nga agian una:
Pwede mo agi sa Dipolog-Polanco-Piñan Jct. Oroqueta Road, moliko saw ala didto sa Barcelona Rotonda samtang pwede usab sa Ilaya-Isis-Polanco Road, liko saw ala unahan sa Leop Bridge.
Ang gikan usab sa lungsod Piñan ug Mutia padulong sa Pulauan Port didto mo agi sa Dipolog-Polanco-Piñan Jct. Oroqueta Road (Via Dipolog).
Gikan usab dinhi sa dakbayan sa Dipolog padulong sa dakbayan sa Ozamis didto kini mo agi sa Dipolog-Polanco-Piñan Jct. Oroqueta Road dayong liko sa To didto sa barangay Barcelona.
